Në Obiliq sot është bërë vënia e gurthemelit për realizimin e sheshit i cili do bartë emrin e veprimtarit Adem Preniqit.

Në ceremoninë e vënies së këtij gurthemeli ishin të pranishëm: Kryetari i Komunës së Obiliqit Xhafer Gashi, zëvendëskryeministri i Besnik Tahiri, familjarët dhe bashkëveprimtarët e profesorit Adem Preniqi, Nënkryetari dhe të tjerë, njofton Klan Kosova.

Kryetari i Komunës së Obiliqit, Xhafer Gashi, para të pranishmëve e cilësoi këtë ditë shumë të veçantë për qytetin e Obiliqit.

“Sot, po jetësojmë një projekt që do bartë emrin e një patrioti që në vazhdimësi punoi për të mirën e vendit të tij, ky shesh, përfshinë një hapësirë prej 1 hektar e 14 ari, që dikur ishte i mbuluar me objekte të vjetruara dhe të dëmtuara, ndërsa tani do të ofrojë hapësira moderne të përshtatshme për të gjitha grupmoshat”.

“60% e tij do të ketë gjelbërim ndërsa pjesa tjetër do të jetë me kubëza, në qendër do të jetë e vendosur sahat-kulla, duke i dhënë kështu Obiliqit një pamje krejtësisht të re”.

Në anën tjetër, zëvendëskryeministri Tahiri vlerësoi lartë personalitetin e profesorit dhe ish-kryesuesit Adem Preniqi, për kontributin e tij ndër vite.

“Me punën që është duke e bërë kryetari Gashi, Obiliqi gradualisht po shndërrohet nga një qytezë në një qytet modern“.

Ky projekt është investim komunal, me vlerë prej 989.026.00€, me plan dinamik 9 muaj nga fillimi i punimeve.